لاہور میں ہفتہ شان رحمتہ اللعالمین ﷺ کا آخری روز جوش وجذبے سے منایا گیا

ہفتہ شان رحمتہ اللعالمین ﷺ کے ساتویں اور آخری روز ایوان اقبال لاہور میں  قوالی نائٹ کا انعقاد کیا گیا ، تقریب میں وزیر اعلیٰ پنجاب سردار عثمان بزدار نے خصوصی شرکت کی،صوبائی وزرا راجہ بشارت،میاں محمود الرشید اور میاں اسلم اقبال بھی شریک ہوئے،محفل سماع کا آغاز تلاوت قرآن مجید سے کیا گیا  جس کے بعد نامور قوال ابو محمد فرید ایاز نے ہمنواؤں کے ہمراہ حمدیہ و  نعتیہ  قوالی سے سماں باندھ دیا۔

 

وزیر اعلیٰ عثمان بزدار نے محفل سماع میں گہری دلچسپی لی ،  حمدیہ اور نعتیہ  کلام غور سے سنا جبکہ حاضرین وجد وسرور میں قوالی سے محظوظ ہوتے رہے۔

 

قوالی نائٹ کے اختتام پر وزیراعلیٰ عثمان بزدار نے قوال ابو محمد فرید ایاز اور ہمنواؤں کو سٹیج پر جاکر  داد دی۔