بھارتی میڈیا پھر بے نقاب، جھوٹ اپنے ہی گلے پڑ گیا

 نیو دہلی (92 نیوز) بھارتی میڈیا پھر بے نقاب ہو گیا ۔ جھوٹ اپنے ہی گلے پڑ گیا۔ مودی کے بھارت کا جھوٹا میڈیا آزاد کشمیر میں کارروائی کی خبریں چلاتا رہا۔ بھارتی ڈائریکٹر جنرل آف ملٹری آپریشنز لیفٹیننٹ جنرل پرم جیت سنگھ نے پول کھول دیا۔ انہوں نے کہا آزاد کشمیر میں کارروائی کی خبریں بے بنیاد ہیں۔ بھارتی فوج نے آزاد کشمیر میں کسی قسم کی کوئی فوجی کارروائی نہیں کی۔ آزاد کشمیر میں بھارتی فوج کی کارروائی کی بھارتی میڈیا کی خبریں بے بنیاد اور جھوٹی ہیں۔ بھارتی میڈیا جو خبریں چلا رہا ہے ان میں کوئی صداقت نہیں۔