نوشہرہ میں بس گہری کھائی میں جا گری، 8 افراد جاں بحق، 11 زخمی

نوشہرہ (92 نیوز) نوشہرہ میں زیارت کاکاصاحب سے آنے والی بس گہری کھائی میں جا گری، حادثے میں 8 افراد جاں بحق جبکہ 11 شدید زخمی ہوگئے۔ ترجمان قاضی میڈیکل کمپلیکس کے مطابق زیارت کاکاصاحب حادثے میں جاں بحق ہونے والوں میں بچے، خواتین اور مرد شامل ہیں۔ اسپتال ترجمان کے مطابق 11 شدید زخمیوں میں سے ایک کو پشاور ریفر کر دیا گیا۔ ریسکیو 1122 کے مطابق حادثہ بریک فیل ہونے کے باعث پیش آیا۔ فوری امدادی آپریشن کرتے ہوئے جاں بحق افراد کی لاشوں اور زخمیوں کو قریبی اسپتال منتقل کیا گیا۔