30 لاکھ 70 ہزار فائزر ویکسین پاکستان پہنچا دی گئی

اسلام آباد (92 نیوز) امریکہ نے پاکستان کے لیے فائزر ویکسین کی مزید 30 لاکھ 70 ہزار خوراکیں بھجوا دیں۔

امریکی سفارتخانے کا کہنا ہے کہ فائزر ویکیسن کے آنے سے پاکستان میں جاری ویکیسنیشن کے عمل میں تیزی آے گی ۔ پاکستان کی 6 فیصد آبادی مکمل طور پر ویکیسنٹ ہو چکی ہے ۔ امریکا کی طرف سے پاکستان کو 30 لاکھ 70 ہزار ڈّوزز عطیہ کی گئی ہیں۔

فائزر ویکیسن خوراکیں کویکس کے تحت پاکستان کو دی گئی ہیں ۔ امریکا پاکستان کو سفری ویکسین کا سب سے بڑا عطیہ دینے والاملک ہے۔ یہ کھیپ ان 10 ملین خوراکوں کا حصہ ہے جو امریکا نے پاکستان کو ڈیمانڈ پوری کرنے کیلیے مختص کیں ۔ عطیہ کی گئی یہ ویکسین بین الاقوامی کوویکس پروگراموں کے تحت دی گئی۔