بھارتی فورسز کا سری نگر میں سرچ آپریشن، 3 کشمیری نوجوان شہید
سری نگر (92 نیوز) مقبوضہ کشمیر میں بھارتی فورسز نے سری نگر کے علاقے میں نام نہاد سرچ آپریشن کے دوران فائرنگ کرکے 3 کشمیری نوجوان شہید کردئیے۔
مقبوضہ کشمیر میں بھارتی مظالم انتہاء کو پہنچ گئے، بھارتی فورسز کا سری نگر میں نام نہاد سرچ آپریشن جاری ہے۔
کشمیر میڈیا سروس کے مطابق غاصب بھارتی فوجیوں نے سری نگر میں نام نہاد سرچ آپریشن میں گھر گھر تلاشی کے دوران فائرنگ کرکے 3 کشمیری نوجوان شہید کردئیے۔
ادھر دوسری جانب بھارتی فورسز نے سوپور اور بڈگام میں درجنوں نوجوانوں کو بھی حراست میں لے لیا۔
