28 مئی کا دن ملک کی تاریخ میں سنہری حروف میں لکھا جائے گا، راجہ پرویز اشرف
اسلام آباد (92 نیوز) - اسپیکر قومی اسمبلی راجہ پرویز اشرف نے یوم تکبیر پر پیغام دیتے ہوئے کہا 28 مئی یوم تکبیر کا دن ملک کی تاریخ میں سنہری حروف میں لکھا جائے گا۔
اسپیکر قومی اسمبلی نے کہا کہ پوری قوم کو سیاسی قیادت، مسلح افواج اور اپنے ایٹمی سائنسدانوں پر فخر ہے، نواز شریف نے پاکستان کو ایٹمی طاقت بنانے کے شہید ذوالفقار علی بھٹو کے عزم کو پایہ تکمیل تک پہنچایا۔
راجہ پرویز اشرف نے مزید کہا کہ ملک کا دفاع مضبوط ہاتھوں میں ہے، دشمن پاکستان کی طرف میلی آنکھ سے دیکھنے کی جرات نہیں کر سکتا۔