سانحہ گولیمار، زمین بوس ہونے والی عمارت کا بلڈر جاوید فیصل آباد سے گرفتار
کراچی (92 نیوز) سانحہ گولیمار میں پولیس نے زمین بوس ہونے والی عمارت کے بلڈر جاوید کو فیصل آباد سے گرفتار کر لیا۔
بلڈر جاوید کی گرفتاری کے لئے پولیس ٹیم دو روز سے پنجاب میں تھی۔ پولیس ذرائع نے دعویٰ کیا ملزم جاوید کو فیصل آباد سے گرفتار کیا گیا ۔ ملزم جاوید حادثے میں زخمی ہونے کے بعد فرار ہوگیا تھا۔
پولیس ذرائع کا کہنا ہے بلڈر جاوید کے خلاف تھانہ رضویہ میں مقدمہ درج ہے۔ ملزم کو جلد کراچی منتقل کیا جائے گا۔
