پیراگون ہاؤسنگ اسکینڈل ، خواجہ برادران کے جوڈیشل ریمانڈ میں 24 فروری تک توسیع
لاہور ( 92 نیوز) پیراگون ہاؤسنگ اسکینڈل کیس کی سماعت میں لاہور کی احتساب عدالت نے خواجہ برادران کے جوڈیشل ریمانڈ میں 24 فروری تک توسیع کر دی گئی ۔
پیراگون ہاؤسنگ ریفرنس میں خواجہ سلمان رفیق کو جوڈیشل ریمانڈمکمل ہونےپراحتساب عدالت میں پیش کیا گیا ، عدالت نےخواجہ برادران کے خلاف وعدہ معاف گواہ بننے والے قیصرامین بٹ کوپیش نہ کرنے پر نیب پراسیکیوٹرپربرہمی کااظہارکیا۔
احتساب عدالت نے آئندہ سماعت پرقیصرامین بٹ کوگرفتارکرکےپیش کرنےکاحکم دےدیا ، عدالت نے خواجہ برادران کے جوڈیشل ریمانڈ میں چوبیس فروری تک توسیع کردی۔
میڈیا سے بات چیت میں مسلم لیگ ن کے رہنما رانامشہود نے کہا کہ احتساب کے نام پر ڈرامہ کیا جارہاہے ، حکومت کو عوامی مسائل کا کوئی ادراک نہیں،ان کا مسئلہ صرف خودکوبچانا ہے۔
اس موقع پر عدالت میں سکیورٹی کےسخت انتظامات کیے گئے گئے تھے۔