پارک لین ریفرنس، نیب کی تمام ملزمان پر فرد جرم عائد کرنے کی استدعا

اسلام آباد  ( 92 نیوز )  آصف علی زرداری کے خلاف پارک لین ریفرنس کی سماعت کے دوران نیب نے تمام ملزمان  پر فرد جرم عائد کرنے کی استدعا کر دی ۔ ایک ملزم نے پلی بارگین کی درخواست کردی ۔ احتساب عدالت میں سابق صدر آصف زرداری سمیت دیگر ملزمان کے خلاف پارک لین  ریفرنس کی سماعت  ہوئی ،  نیب نے آصف زرداری سمیت تمام ملزمان پر فردجرم عائد کرنے کی استدعا کردی ۔ نیب کی جانب سے کہا گیا کہ  کیس پراسیس میں ہے،  مفرور ملزم یونس کوڈواوی کینیڈا فرار ہوگیا ہے ۔ ایک ملزم نے پلی بارگین کی درخواست دی ہے ۔ جج احتساب عدالت نے کہا کہ   پہلے ملزمان کے نمائندے مقرر کرنے کا بھی فیصلہ کرنا ہے ۔ نیب کی جانب سے کہا گیا کہ  حاضری یقینی بنانے کے لیے ملزمان سے 10، 10 لاکھ کے ضمانتی مچلکے لیے جائیں۔