پارلیمنٹ نہیں چاہتی کہ آرمی چیف کی مدت ملازمت کا تعین کیا جائے ، فواد چودھری
اسلام آباد ( 92 نیوز) وفاقی وزیر سائنس وٹیکنالوجی فواد چودھری نے ایک نئی بحث چھیڑ دی کہا کہ پارلیمنٹ نہیں چاہتی کہ آرمی چیف کی مدت ملازمت مین توسیع دی جائے ۔
وزیر سائنس و ٹیکنالوجی نے کہا کہ تفصیلی فیصلے کے بعد دیکھیں گے کیا کرنا ہے، پارلیمنٹ سپریم ادارہ ہے ، وہ سپریم کورٹ کے ماتحت نہیں جسے کہا جائے گا کہ وہ آرمی چیف کی مدت ملازمت کا تعین کرے ، اداروں کو آپس مین نئے میثاق کی ضرورت ہے ، فوج ، عدلیہ ، حکومت کو حقیقت کا ادراک کر کے چلنا چاہئے ۔
فواد چودھری نے کہا کہ شہباز شریف اب 15 یا 20 سال بعد ہی واپس آئیں گے ، ن لیگ میں تخت کی لڑائی ہے ، مریم نواز کچھ دنوں سے سیاست سے مائنس ہیں ۔ وفاقی وزیر نے آصف زرداری کو بھی بیرون ملک بھیجنے کی حمایت کر دی ۔