فضل الرحمٰن کا شہباز شریف کو ٹیلیفون، نواز شریف کی خیریت دریافت کی
اسلام آباد (92 نیوز) جمعیت علمائے اسلام ف کے امیر مولانا فضل الرحمن کا مسلم لیگ ن کے صدر شہباز شریف سے ٹیلیفون رابطہ ہوا جس میں انہوں نے نواز شریف کی خیریت دریافت کی اور نیک تمناؤں کا اظہار ، جلد صحت یابی کیلئے دعا کی۔
ترجمان جے یو آئی ایف کے مطابق مولانا فضل الرحمان نے نواز شریف کی طبیعت کی خرابی پر تشویش کا اظہار کیا۔ مولانا فضل الرحمان نے کہا نواز شریف کی طبیعت کا اچانک خراب ہونا لمحہ فکریہ ہے۔ ہمارے کارکنان محمد نواز شریف کی مکمل صحت یابی کے لئے دعا کریں۔
مولانا فضل الرحمان نے مطالبہ کیا کہ نواز شریف کو ہسپتال میں بہترین طبی سہولیات دی جائیں۔ نواز شریف کے خاندان والوں کی مرضی سے نہ صرف ٹیسٹ کروائے جائیں بلکہ ان کے ذاتی معالج خصوصی کو نواز شریف تک رسائی دی جائے۔
