بھارتی آرمی چیف کا تین کیمپ تباہ کرنیکا دعویٰ مایوس کن ہے ، ڈی جی آئی ایس پی آر
راولپنڈی( 92 نیوز) ڈی جی آئی ایس پی آر میجر جنرل آصف غفور نے بھارتی آرمی چیف کی جانب سے تین کیمپ تباہ کرنے کے دعوے کو مایوس کن قرار دیتے ہوئے کہا کہ بھارتی فوجی قیادت مسلسل جھوٹ بول رہی ہے ۔
اپنے ٹویٹ پیغام میں میجر جنرل آصف غفور نے کہا کہ پلواما واقعے میں بھی بھارت ایسے بے بنیاد دعوے کر چکا ہے ، بھارتی فوج کے ایسے جھوٹے دعوے خطے کی سلامتی کیلئے خطرہ ہیں ، بھارتی فوج کی جانب سے ایسے جھوٹے دعوے ان کی داخلی فائدے کے لئے کئے جاتے ہیں ۔
