اوآئی سی ہیومن رائٹس کمیشن کا مقبوضہ کشمیرمیں کرفیوپر اظہارتشویش
جدہ(92نیوزرپورٹ)اسلامی تعاون تنظیم (اوآئی سی )کے ہیومن رائٹس کمیشن نے مقبوضہ کشمیرمیں کرفیو پر تشویش کا اظہار کیا ہے ۔
اوآئی سی ہیومن رائٹس کمیشن کے مطابق بھارتی فوج نے مقبوضہ کشمیرکوسب سے بڑی جیل میں تبدیل کردیا۔ بھارتی فورسزنے 5ہزارسے زائدکشمیریوں کوغیرقانونی طورپرمحصورکررکھاہے ۔
مقبوضہ کشمیرکی سیاسی قیادت کوبغیرکسی قانون کے قید کر رکھاہے ، مقبوضہ کشمیرمیں بڑے پیمانے پرانسانی حقوق کی خلاف ورزیاں کی جارہی ہیں۔بھارتی فورسزنے مقبوضہ کشمیرمیں مواصلاتی نظام کومعطل کررکھاہے ۔
صحافیوں،انسانی حقوق کی تنظیموں کے کارکنوں کوجھوٹے الزامات پر گرفتارکیاجارہاہے ۔بھارت کی مقبوضہ کشمیرمیں پابندیوں کی عالمی سطح پر مذمت کی جارہی ہے ۔
مقبوضہ کشمیرمیں کشمیریوں کو انسانی حقوق سے بری طرح محروم رکھاجارہاہے ۔کشمیریوں کے حقوق کی پامالی انسانی حقوق کی کھلی خلاف ورزی ہے ۔
