Friday, March 29, 2024

فیصل واوڈا غیر ذمہ دار ، عمران خان انہیں لگام دیں ، میئر کراچی

فیصل واوڈا غیر ذمہ دار ، عمران خان انہیں لگام دیں ، میئر کراچی
August 24, 2019
کراچی( 92 نیوز) میئر کراچی وسیم اختر نے فیصل واوڈا  کو غیر ذمہ دار وزیر قرار دے دیا، کہا کہ  فیصل واوڈا کو سیاست بھی نہیں آتیں، عمران خان انہیں لگام دیں، ورنہ ہمارا اتحاد بھی متاثر ہو سکتا ہے۔ وفاقی وزیر فیصل واوڈا کے بیان پر میئر کراچی وسیم اختر نے جوابی وار کرتے ہوئے  کہا کہ عمران خان اپنے وفاقی وزیر کو لگام دیں۔ میئر کراچی حضرت عبداللہ شاہ غازی کے مزار پر حاضری اور دعا کے لئے آئے ، فیصل واوڈا کے بیان کے حوالے سے پوچھے گئے سوال پر دل کی خوب بھڑاس بھی نکالی۔ وسیم اختر نے وفاق کے اتحادی ہونے کی یاد دہانی کراتے ہوئے دبے لفظوں میں حکومت سے الگ ہونے کی دھمکی بھی دے ڈالی۔ وسیم اختر کا کہنا تھا کہ انہوں نے عبداللہ شاہ غازی مزار پر مخالفین کی ہدایت کے لئے بھی دعا مانگی۔