کشمیریوں پر بھارتی فوج کے مظالم ، پارلیمنٹ کا مشترکہ اجلاس آج طلب
اسلام آباد ( 92 نیوز) مقبوضہ وادی میں کشمیریوں پر بڑھتے ہوئے بھارتی فوج کےمظالم پر صدر مملکت ڈاکٹر عارف علوی نے پارلیمنٹ کا مشترکہ اجلاس آج طلب کرلیا۔
ذرائع کے مطابق پارلیمنٹ کا مشترکہ اجلاس صبح گیارہ بجے ہوگا،بھارتی دہشتگردی سے نمٹنے کے لئے مشترکہ لائحہ عمل بنانے پر غور ہو گا۔
پارلیمنٹ کے مشترکہ اجلاس میں مقبوضہ کشمیرمیں بھارتی مظالم اور مقبوضہ وادی کی خصوصی حیثیت ختم کیے جانے کی صورتحال کا جائزہ لیا جائے گا ، تمام سیاسی جماعتیں کشمیرکے معاملے پرسرجوڑکربیٹھیں گی۔
سیاسی جماعتیں مقبوضہ کشمیرکے حوالے سے مشترکہ قومی موقف اپنانے پرغورکریں گی ، آزاد کشمیر کے صدر اور وزیر اعظم مشترکہ اجلاس میں شریک ہوں گے۔
