سی ٹی ڈی کی ملتان میں کارروائی ، دو دہشتگرد ہلاک

ملتان (92 نیوز) سی ٹی ڈی پنجاب نے ملتان میں کارروائی کرتے ہوئے دو دہشتگردوں کو ہلاک کر دیا جب کہ تین دہشتگرد فرار ہونے میں کامیاب ہو گئے ۔ دونوں دہشت گرد حساس ادارے کے تین اہلکاروں کو  شہید کرنے میں ملوث تھے۔ ملتان کے علاقہ گلشن رحمان کالونی کے قریب دہشت گردوں کی موجودگی کی اطلاع پر سی ٹی ڈی پنجاب نے کارروائی کی اور دو دہشت گرد رضوان عرف ڈاکٹر اور عمران عرف ساقی کو ہلاک کر دیا ۔ ملزمان سے بارودی  مواد ، حساس ادروں کے نقشے اور دہشت گردی  کے لئے استعمال کی جانے والی  رقم بھی برآمد کر لی گئی ۔ کاؤنٹر ٹیررازم ڈیپارٹمنٹ کےمطابق دہشت گردوں کا تعلق غیر ملکی کالعدم تنظیم سے تھا جو حساس ادارے کے  تین اہلکاروں کو شہید کرنے اور  سمندری میں کیش وین لوٹنے کی واردات میں ملوث تھے اور ان کا نام ریڈ بک میں بھی شامل تھا۔ مارے جانے والے دہشت گرد ملتان میں حساس اداروں  کے افسران پر حملوں کی منصوبہ بندی کر رہے تھے ۔