Saturday, October 16, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

سابق آئی جی کے پی نوید خان سمیت دیگر شخصیات کے خلاف تحقیقات کی منظوری

سابق آئی جی کے پی نوید خان سمیت دیگر شخصیات کے خلاف تحقیقات کی منظوری
February 6, 2019
اسلام آباد (92 نیوز) سابق آئی جی کے پی نوید خان سمیت دیگر شخصیات کے خلاف تحقیقات کی منظوری دے دی گئی۔ چیئرمین نیب کی زیر صدارت ایگزیکٹو بورڈ کا اجلاس ہوا جس میں اربوں روپے کرپشن کے کیسز کی تحقیقات کی منظوری دیدی گئی اور وائٹ کالر کرائم کی تحقیقات نہ کرنے کی صلاحیت کا تاثر مسترد کر دیا گیا۔ نیب ایگزیکٹو بورڈ نے سابق آئی جی کے پی کے نوید خان، سابق وائس چانسلر ولی خان یونیورسٹی ڈاکٹر احسان اور سابق چیئرمین کراچی پورٹ ٹرسٹ  وائس ایڈمرل ریٹائرڈ احمد حیات کیخلاف ریفرنس دائر کرنے کی منظوری دیدی۔ نیب اعلامیہ کے مطابق سابق چیئرمین کراچی پورٹ ٹرسٹ وائس ایڈمرل ریٹائرڈ احمد حیات پر زمینوں کی غیرقانونی الاٹمنٹ سے قومی خزانے کو 18 ارب جبکہ سابق وائس چانسلر ولی خان یونیورسٹی ڈاکٹر احسان پر گاڑیوں اور فیول کی خریداری کے لیے مختص فنڈز میں خورد  برد کا الزام  ہے۔ چیئرمین نیب جسٹس ریٹائرڈ جاوید اقبال نے اجلاس سے خطاب کرتے ہوئے کہا کہ نیب کرپشن فری پاکستان کے لیے بھرپور کوششیں کررہا ہے۔ 900 ارب روپے کے کرپشن کیسز احتساب عدالتوں میں دائر کردیئے گئے ہیں۔ انھوں نے کہا کہ نیب پر وائٹ کالر کرائم کی تحقیقات نہ کرنے کی صلاحیت کا تاثرغلط ہے۔
تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔