فرمان الہی

اسلام آباد (92 نیوز) ۔ نگراں وفاقی کابینہ نے حلف اٹھا لیا، 16 وزرا، تین مشیر اور چار معاونین خصوصی شامل ہیں۔ صدر عارف علوی نے نگراں کابینہ سے حلف لیا۔

تقریب میں نگراں وزیراعظم انوار الحق کاکڑ اور دیگر شخصیات نے شرکت کی۔ جلیل عباس جیلانی وزیر خارجہ، مرتضی سولنگی وزیر اطلاعات مقرر جبکہ سرفراز بگٹی وزیر داخلہ اور لیفٹیننٹ جنرل ریٹائرڈ انور علی حیدر وزیر دفاع ہوں گے۔

احمد عرفان اسلم وزیر قانون، محمد علی وزیر توانائی بن گئے، شمشاد اختر نگراں وزیر خزانہ، گوہر اعجاز وزیر تجارت مقرر جبکہ عمر سیف وزیر آئی ٹی اور سمیع سعید وزیر منصوبہ بندی بن گئے۔

جمال شاہ وزیر ثقافت، مدد علی سندھی وزیر تعلیم مقرر کردیئے گئے، ڈاکٹر ندیم جان وزیر صحت، خلیل جارج وزیر انسانی حقوق بن گئے، انیق احمد وزیر مذہبی امور، شاہد اشرف تارڑ وزیر مواصلات مقرر کردیئے گئے۔

ایئر مارشل ریٹائرڈ فرحت حسین مشیر ہوابازی، احد چیمہ مشیر اسٹیبلشمنٹ، وقار مسعود مشیر خزانہ مقرر، مشعال ملک معاون خصوصی انسانی حقوق، جواد سہراب اوورسیز پاکستانیز بن گئے، وائس ایڈمرل ریٹائرڈ افتخار راؤ بحری امور اور وصی شاہ سیاحت کے معاون خصوصی ہوں گے۔

نگراں وزیر اعظم انوار الحق کاکڑ نے سابق وزیراعظم کا پرسنل اسٹاف ہی رکھنے کا فیصلہ کیا، چار افسران کو کام جاری رکھنے کی ہدایت کردی۔