Wednesday, October 27, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

کراچی میں بینک کی گاڑی لوٹنے والے ملزم پشاور سے پکڑے گئے

کراچی میں بینک کی گاڑی لوٹنے والے ملزم پشاور سے پکڑے گئے
October 3, 2021 --- ویب ڈیسک

لاہور (92 نیوز) کراچی میں نجی بینک کی کیش وین لوٹنے والے تین ملزمان پشاور سے پکڑے گئے۔

پشاور پولیس کے مطابق ملزمان نے دس اگست کو کراچی میں نجی بینک سے رقم لے جانے والی گاڑی سے بیس کروڑ 50 لاکھ روپے لوٹے تھے۔ ملزمان سے ستر لاکھ روپے اور واردات میں استعمال ہونے والی گاڑی برآمد کر لی گئی۔

دوسری جانب میٹھادر پولیس نے نجی کمپنی رائیڈر سے ڈکیتی کا معمہ بارہ گھنٹے میں حل کر لیا۔ گرفتار ملزم کمپنی کا ہی ملازم نکلا۔ ملزم جنید نے جوڑیا بازار سے پندرہ لاکھ روپے وصول کرنے کے بعد اپنے ہی لٹنے کی اطلاع دی۔

پولیس نے تفتیش کے بعد جنید کو گرفتار کرکے آٹھ لاکھ روپے برآمد کر لیے۔ پولیس کے مطابق ملزم نے اپنے ساتھی ملازم غلام یاسین اور دیگر کی مدد سے منصوبہ بنایا تھا۔

 ادھر ایس آئی یو اور سی پی ایل سی نے مشترکہ کارروائی کرکے دو بھتہ خور پکڑ لیے۔ گرفتار ملزمان اعجاز علی اور فرید خان نے ڈپٹی چیف سی پی ایل سی شبر ملک اور ٹرانسپورٹر سے ایک کروڑ روپے بھتہ طلب کیا تھا۔ ملزمان سے بھتہ مانگنے کیلئے استعمال ہونے والا فون اور سم تحویل میں لے لیا گیا۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔