Tuesday, November 30, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

پٹرولیم مصنوعات کی قیمتوں میں تاریخی اضافے پر مختلف شہروں میں احتجاج

پٹرولیم مصنوعات کی قیمتوں میں تاریخی اضافے پر مختلف شہروں میں احتجاج
October 16, 2021 --- ویب ڈیسک

لاہور (92 نیوز) پٹرولیم مصنوعات کی قیمتوں میں تاریخی اضافے پر عوام غم و غصہ، مختلف شہروں میں احتجاج ریکارڈ کرایا گیا۔

جماعت اسلامی نے پیڑول کی بڑھتی قیمتوں پر وحدت روڈ لاہور پر مظاہرہ کیا، احتجاج کے شرکاء نے موٹرسائیکل کی نمبر پلیٹ خود پر لگا لی، بچوں کا بِیگ تھام کا پیدل اسکول چھوڑ کر آنے کا تاثر دیا۔

مظاہرے کے شرکا نے کہا کہ پٹرول مہنگا، بجلی مہنگی، گیس مہنگی، یہ حکومت ڈبل شاہ بن چکی ہے۔

لاہور پریس کلب کے باہر پیپلزپارٹی کے کارکنوں نے احتجاج کیا، احتجاجی کارکنوں کا کہنا تھا کہ حکومت نے غریب کو زندہ درگور کرنے کا عہد کرلیا ہے۔

پیپلزپارٹی نے گوجرانوالہ میں مہنگائی کیخلاف پیپلز پارٹی نے ریلی نکالی۔ ریلی کے شرکاء نے شدید نعرے بازی کر تے ہوئے کہا کہ حکمران مہنگائی کی روک تھام میں ناکام ہوگئے، مستعفی ہوں۔

پٹرولیم مصنوعات کی قیمتوں میں دس روپے تک اضافے نےکراچی والوں کے ہوش اڑا دیئے ہیں کہتے ہیں پہلے ہی مہنگائی نے روٹی کا حصول مشکل بنا رکھا ہے۔