Friday, November 26, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

پاک بحریہ نے ایک بار پھر بھارتی آبدوز کو ڈھونڈ نکالا

پاک بحریہ نے ایک بار پھر بھارتی آبدوز کو ڈھونڈ نکالا
October 19, 2021 --- ویب ڈیسک

راولپنڈی (92 نیوز) پاک بحریہ نے بھارتی سب میرائن کی پاکستانی حدود میں داخلے کی کوشش ناکام بنا دی۔

آئی ایس پی آر کے مطابق پاک بحریہ نے بھارتی بحریہ کے عزائم سمندر پرد کر دیئے، پاک بحریہ نے بھارتی سب میرائن کی پاکستانی حدود میں داخلے کی مذموم کوشش خاک میں ملادی۔

ترجمان کے مطابق ہندوستان اپنے جارحانہ عزائم، پاکستان مخالف سازشوں سے باز نہ آیا، پاک بحریہ نے ایک بار بھارتی آبدوز کو ڈھونڈ نکالا۔

ہمہ وقت چوکنا پاک بحریہ نے کمال مہارت، مستعدی کا مظاہرہ کیا، پاک بحریہ نے پیشہ وارانہ انداز میں 16 اکتوبر کو بھارتی آبدوز کا سراغ لگایا۔

پاکستان نیوی نے بھارتی آبدوز کو پاکستانی پانیوں میں آنے سے روکا، پاک بحریہ جاری سکیورٹی حالات کے پیش نظر بحری حدود کے تحفظ کے مقاصد پر سختی سے کاربند ہے۔