Friday, December 3, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

پاکستان کی قسمت اس شخص کے ہاتھ میں ہے جو جن بھوتوں سے کام لیتا ہے، مریم نواز

پاکستان کی قسمت اس شخص کے ہاتھ میں ہے جو جن بھوتوں سے کام لیتا ہے، مریم نواز
October 17, 2021 --- ویب ڈیسک

حویلیاں (92 نیوز) نائب صدر مسلم لیگ ن مریم نواز نے کہا پاکستان کی قسمت اس شخص کے ہاتھ میں ہے جو جن بھوتوں سے کام لیتا ہے۔

حویلیاں میں ن لیگ کے سوشل میڈیا کنونشن سے ویڈیو لنک کے ذریعے خطاب میں مریم نواز نے کہا کہ آئے روز بڑھتی ہوئی مہنگائی سے شہری خودکشیوں پر اتر آئے ہیں جس کی حکومت کو کوئی پرواہ نہیں۔ مریم نواز نے کہا پاکستان کی تاریخ میں اتنی مہنگائی کبھی نہیں ہوئی جتنی تحریک انصاف کے دور میں کر دی گئی۔ پٹرول، بجلی اور اشیائے خورونوش کی قیمتیں آسمان سے باتیں کر رہی ہیں جو نااہلی کی بدترین مثال ہے۔

سوشل میڈیا کنونشن سے خطاب میں مریم نواز نے کہا کہ فیصل آباد کے اسٹور میں گئی تو عوام نے تحریک انصاف سے جان چھڑوانے کی اپیل کی۔ شہریوں نے کہا کہ مہنگائی کی وجہ سے جینا مشکل ہو چکا ہے۔ خدارا اس حکومت سے جان چھڑوائیں۔