Sunday, October 24, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

پاکستان سید علی گیلانی کے جسد خاکی کو قبضے میں لینے کی شدید مذمت کرتا ہے، دفتر خارجہ

پاکستان سید علی گیلانی کے جسد خاکی کو قبضے میں لینے کی شدید مذمت کرتا ہے، دفتر خارجہ
September 2, 2021 --- ویب ڈیسک

اسلام آباد (92 نیوز) ترجمان دفتر خارجہ نے بزرگ حریت رہنما سید علی شاہ گیلانی کی رحلت پر افسوس کا اظہار کرتے ہوئے کہا پاکستان قابض بھارتی فورسز کی جانب سے سید علی شاہ گیلانی کے جسد خاکی کو قبضے میں لینے کے وحشیانہ فعل کی شدید مذمت کرتا ہے۔

ترجمان عاصم افتخار نے ہفتہ بریفنگ میں کہا، یہ نہایت ہی قابل افسوس بات ہے سید علی گیلانی کو ان کی وصیت کےمطابق بھی سپردخاک نہیں کرنے دیا گیا۔ ان کی کشمیر اور پاکستان سے غیر مشروط محبت کو ہمیشہ یاد رکھا جائے گا۔

اُنہوں نے کہا، بھارتی قابض فورسز نے تدفین کے وقت علی شاہ گیلانی کا جس خاکی چھین لیا، بھارتی اقدام قابل مذمت ہے، عالمی برادری اس بھارتی اقدام کا نوٹس لے۔ علی شاہ گیلانی نے اقوام متحدہ کی قراردادوں کے مطابق مسئلہُ کشمیر کے حل کے کئے ہمیشہ زور دیا۔ انہوں نے بھارتی سیاہ چہرہ دنیا بھر کے سامنے بے نقاب کیا، مقبوضہ وادی میں بھارتی مظالم اور انسانی حقوق کی خلف ورزیوں کے خلاف آواز اٹھائی۔

اُن کا کہنا تھا، افغانستان میں دہشت گردی کے واقعات قابل مذمت ہیں، دہشت گردی واقعات میں ملوث کرداروں کے خلاف کاروائی ہونی چاہئے۔ پاکستان بھی دہشت گردی کا شکار رہا ہے، دہشت گردی سے اسی ہزار جانیں ضائع اور پچاس ارب ڈالر کا نقصان ہوا، پاکستان افغانستان میں تعمیری کردار ادا کر رہا ہے۔

ترجمان دفتر خارجہ نے کہا، شاہ محمود قریشی نے وسطی ایشیائی ممالک کا دورہ کیا، وزیراعظم عمران خان نے روسی صدر اور بیلجئم کے وزیراعظم سے ٹیلی فون پر بات کی۔ وزیرخارجہ کو سیکریٹری جنرل اقوام متحدہ نے فون کرکے افغانستان کی صورتحال پر بات کی۔ اب تک اڑتیس ہزار افراد کا انخلا کرچکے ہیں۔ پاکستان خطے کے ممالک اور دیگر پارٹنرز کے ساتھ افغان مسئلے پر بات چیت میں مصروف ہے۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔