Tuesday, November 30, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

پاکستان سمیت دنیا بھر میں ڈاکٹرز کو ایکٹمرا انجکشن کے متبادل استعمال کرنے کی ہدایت

پاکستان سمیت دنیا بھر میں ڈاکٹرز کو ایکٹمرا انجکشن کے متبادل استعمال کرنے کی ہدایت
September 5, 2021 --- ویب ڈیسک

اسلام آباد (92 نیوز) پاکستان سمیت دنیا بھر میں ڈاکٹرز کو ایکٹمرا انجکشن کے متبادل استعمال کرنے کی ہدایت جاری کر دی گئی۔

ترجمان وزارت صحت کا کہنا ہے کہ ایکٹیمرا انجکشن اور ڈیکسا میتھا سون (سٹیرائیڈ) کا اکٹھا استعمال کورونا کے مریضوں میں اموات کی شرح کو کم کرنے میں موثر رہا ہے۔ یہ دوا ایسے مریضوں میں استعمال کی جاتی رہی ہے جن کے پھیپھڑے کورونا سے بری طرح متاثر ہو چکے ہوں۔

وزارت قومی صحت کے مطابق ایسے مریضوں میں فل پریشر مشینوں یا وینٹلیشن کے ذریعے آکسیجن کی ترسیل کی ضرورت ہوتی ہے۔ جان بچانے والی دوا ایکٹیمرا انجکشن کی کمی کے بعد دنیا بھر میں ڈاکٹروں کو ایکٹیمرا انجکشن کے متبادل استعمال کرنے کی ہدایت کی گئی ہے۔