Sunday, October 24, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

سکیورٹی خدشات پر نیوزی لینڈ کرکٹ ٹیم کا دورہ پاکستان ختم

سکیورٹی خدشات پر نیوزی لینڈ کرکٹ ٹیم کا دورہ پاکستان ختم
September 17, 2021 --- ویب ڈیسک

لاہور (92 نیوز) سکیورٹی کو بہانہ بنا کر نیوزی لینڈ کرکٹ بورڈ نے کر کٹ ٹیم کا یکطرفہ طور پر دور پاکستان ختم کردیا۔ 

کرکٹ لورز کیلئے بری خبر ہے، نیوزی لینڈ نے یکطرفہ طور پر دورہ پاکستان ختم کردیا۔ کیویز بورڈ نے سکیورٹی خدشات کو جواز بنا کر تمام کھلاڑیوں کو واپس بلا لیا۔ پاکستان اور نیوزی لینڈ کے درمیان ایک روزہ میچز کی سیریز ملتوی ہو گئی۔

میڈیا منیجر نیوزی لینڈ ٹیم جیمز بینیٹ نے سیریز کے التوا کی خبر دی، کہا کہ ہمارے لئے دورہ جاری رکھنا ممکن نہیں، حکومت کی ہدایت پر ٹیم واپس جارہی ہے۔

چیف ایگزیکٹو نیوزی لینڈ کرکٹ کے مطابق حکومت کی ہدایت پر ٹیم واپس جارہی ہے۔ انہوں نے کہا کھلاڑیوں کی سکیورٹی اولین ترجیح ہے۔

ڈیوڈ وائٹ کا کہنا تھا نیوزی لینڈ حکومت نے سکیورٹی الرٹ جاری کیا، موجودہ حالات میں ہمارے پاس یہی آپشن دستیاب تھا۔ ہمیں اندازہ ہے کہ پی سی بی کے لیے یہ بہت بڑا دھچکہ ہے۔

پاکستان کرکٹ بورڈ کا کہنا ہے کہ مہمان ٹیم کی سکیورٹی کیلئے فول پروف انتظامات کر رکھے تھے، نیوزی لینڈ بورڈ کو بھی یہی یقین دہانی کرائی تھی، لیکن کیوی بورڈ کے مطابق انہیں سکیورٹی الرٹ ملا جس کے باعث دورہ منسوخ کیا گیا۔ نیوزی لینڈ ٹیم کے آفیشلز نے حکومت پاکستان کی سکیورٹی پر اطمینان کا اظہار کیا تھا۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔