Wednesday, October 27, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

وزیراعظم عمران خان 24 ستمبر کو اقوام متحدہ جنرل اسمبلی اجلاس سے خطاب کریں گے

وزیراعظم عمران خان 24 ستمبر کو اقوام متحدہ جنرل اسمبلی اجلاس سے خطاب کریں گے
September 20, 2021 --- ویب ڈیسک

اسلام آباد (92 نیوز) وزیراعظم عمران خان 24 ستمبر کو اقوام متحدہ جنرل اسمبلی اجلاس سے خطاب کریں گے۔ 

وزیراعظم عمران خان کے اقوام متحدہ جنرل اسمبلی کے اجلاس کے اہم ترین نکات 92 نیوز کو موصول ہوگئے۔ ذرائع کے مطابق وزیراعظم عمران خان 24 ستمبر کو جنرل اسمبلی سے ورچوئل خطاب کرینگے۔ وزیراعظم کا ریکارڈڈ خطاب ساتویں نمبر پر اور رات ڈیڑھ بجے نشر کیا جائے گا۔

وزیر اعظم عمران خان اپنے خطاب میں مسئلہ کشمیر، مقبوضہ کشمیر میں غیرانسانی لاک ڈاؤن، بھارت کی ریاستی دہشتگردی، فلسطین سمیت افغانستان میں انسانی المیہ اور اقتصادی بحران سے عالمی دنیا کو آگاہ کرینگے، اس کے علاوہ وزیراعظم بین الاقوامی دنیا پر افغانستان میں مشترکہ، متفقہ حکومت کے قیام میں مدد کے علاوہ مہاجرین کی آمد اور دیگر خدشات کا بھی ذکر کرینگے۔

وزیراعظم کورونا وباء کے خاتمے، ویکسین سب کے لیے کی حکمت عملی، عالمی کساد بازاری، غریب ممالک پر واجب الادا قرضوں میں رعائت، اسلامو فوبیا اور موسمیاتی تغیرات سے درپیش خطرات کا بھی ذکر کریں گے۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔