Tuesday, November 30, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

وزیراعظم عمران خان کو بیرون ملک سے ملنے والے تحائف کی تفصیلات بتانے کیلئے 11 نومبر تک مہلت

وزیراعظم عمران خان کو بیرون ملک سے ملنے والے تحائف کی تفصیلات بتانے کیلئے 11 نومبر تک مہلت
October 16, 2021 --- ویب ڈیسک

اسلام آباد (92 نیوز) وزیراعظم عمران خان کو بیرون ملک سے ملنے والے تحائف کی تفصیلات بتانے کیلئے 11 نومبر تک مہلت مل گئی۔

اسلام آباد ہائیکورٹ نے حکومتی اپیل پر تحریری حکم نامہ جاری کر دیا۔ عدالتی فیصلے میں کہا گیا ہے کہ ڈپٹی اٹارنی جنرل نے توشہ خانہ کیس میں عدالتی معاونت کے لیے مزید وقت مانگا ہے۔ عدالت 11 نومبر کو وزیر اعظم عمران خان کے توشہ خانہ تحائف کیس کی سماعت کرے گی۔

وفاقی حکومت نے وزیر اعظم عمران خان کو ملنے والے تحائف پبلک کرنے کا حکم چیلنج کر رکھا ہے۔ گزشتہ سماعت میں اسلام آباد ہائی کورٹ کے فاضل جج جسٹس میاں گل حسن اورنگزیب نے ریمارکس دیئے تھے کہ حکمرانوں کو ملنے والے تحائف ان کے نہیں بلکہ عوام کے ہیں۔ اگر کوئی دفاعی تحفہ ہو بے شک نہ بتائیں لیکن ہر تحفے کو پبلک کرنے پر پابندی کیوں؟