Thursday, October 28, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

طالبان نے اسلام کو افغانستان کا سرکاری مذہب قرار دیدیا

طالبان نے اسلام کو افغانستان کا سرکاری مذہب قرار دیدیا
September 18, 2021 --- ویب ڈیسک

کابل (92 نیوز) طالبان نے اسلام کو افغانستان کا سرکاری مذہب قرار دے دیا، اسلامی قوانین نافذ کرنے کا اعلان کردیا۔ خارجہ پالیسی شریعت کے مطابق ہوگی، پنجشیر میں انسانی امدادکی اجازت دے دی گئی۔

افغانستان کا اقتدار سنبھالنے کے بعد طالبان حکومت کے خدوخال واضح ہونا شروع ہوگئے۔

افغان میڈیا کے مطابق طالبان نے اسلام کو سرکاری مذہب قرار دے کر ملک بھر میں اسلامی قوانین نافذ کرنے کا اعلان کردیا۔ خارجہ پالیسی بھی اسلامی شریعت کےمطابق ہوگی۔

عوام کو بنیادی انسانی حقوق اور انصاف یکساں طور پر حاصل ہوگا۔ تمام پڑوسیوں کے ساتھ حل طلب مسائل پرامن طریقے اور ترجیحی بنیادوں پر حل کیے جائیں گے۔

طالبان نے وادی پیجشیر میں انسانی امداد کی تقسیم کی اجازت دے دی
امداد کی بحالی کا فیصلہ ملا محمد حسن اخوند کی سربراہی میں کابینہ نے کیا۔

وادی پنجشیر کے راستے کھول دئیے گئے بلکہ ٹیلی کمیونیکیشن کا نظام بھی بحال کرنے کےاحکامات جاری کردئیے گئے۔ طالبان کو پنجشیر سے مزید اسلحہ کے ذخائر ملے ہیں جنہیں مقامی ملشیا چھوڑ کر فرار ہوگئی تھی۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔