Thursday, October 28, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

شاہ محمود قریشی نے مسئلہ کشمیر اجاگر کرنے پر برطانوی پارلیمنٹیرینز واجد خان کی خدمات کو قابل تحسین قرار دیا

شاہ محمود قریشی نے مسئلہ کشمیر اجاگر کرنے پر برطانوی پارلیمنٹیرینز واجد خان کی خدمات کو قابل تحسین قرار دیا
October 6, 2021 --- ویب ڈیسک

اسلام آباد (92 نیوز) وزیرخارجہ شاہ محمود قریشی سے برطانوی پارلیمنٹ کے رکن لارڈ واجد خان کی ملاقات ہوئی۔ شاہ محمود قریشی نے مسئلہ کشمیر مؤثر انداز میں اجاگر کرنے پر پاکستانی نژاد برطانوی پارلیمنٹیرینز کی خدمات کو قابل تحسین قرار دیا۔

شاہ محمود قریشی سے چیئرمین پاکستان یورپی یونین فرینڈشپ فیڈریشن پرویز اقبال لوسر بھی ملے۔ اس دوران بیرون ملک مقیم پاکستانیوں کے مسائل اور باہمی دلچسپی کے امور پر بات چیت کی گئی۔

شاہ محمود قریشی نے کہا کہ یورپی ممالک میں پاکستانیوں کی کثیر تعداد مقیم ہے جو دو طرفہ تعلقات کو مستحکم بنانے میں اہم کردار ادا کر رہی ہے۔ بیرون ملک مقیم پاکستانی کمیونٹی کی فلاح و بہود ہماری اولین ترجیحات میں شامل ہے۔

پرویز اقبال لوسر نے وزیر خارجہ کو پاکستان یورپی یونین فرینڈشپ فیڈریشن کی کارکردگی کے حوالے سے بریفنگ دی۔ وزیر خارجہ نے یورپی ممالک میں پاکستانی کمیونٹی کی فلاح و بہبود کیلئے فرینڈشپ فیڈریشن کی خدمات کو سراہا۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔