Monday, November 29, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

سندھ میں گندم ذخیرہ کرنے اور محفوظ رکھنے میں مشکلات کا سامنا

سندھ میں گندم ذخیرہ کرنے اور محفوظ رکھنے میں مشکلات کا سامنا
October 19, 2021 --- ویب ڈیسک

کراچی (92 نیوز) سندھ میں گندم ذخیرہ کرنے اور محفوظ رکھنے میں مشکلات کا سامنا ہونے لگا۔

سندھ میں سالانہ 14 لاکھ ٹن گندم خریدی جاتی ہے مگر محکمہ خوراک کے پاس گندم ذخیرہ کرنے کا انتظام ہی نہیں۔ سندھ کے سرکاری گوداموں میں صرف سات لاکھ ٹن گندم رکھی جا سکتی ہے۔ زیادہ تر سرکاری گندم کھلے مقامات پر رکھی جاتی ہے۔ کبھی بارش تو کبھی موسم اور چوہوں کی خوراک بن جاتی ہے۔ کرپٹ مافیا بھی سرکاری گندم پر ہاتھ صاف کر لیتا ہے۔

محکمہ خوراک نے سرکاری گندم کو محفوظ کرنے کے لئے سائلوز بنانے کا فیصلہ کیا ہے۔ مختلف اضلاع میں سائلوز بنانے کے لئے سروے کیا جا چکا ہے۔ کچھ مقامات پر جگہ دستیاب نہیں۔

محکمہ خوراک کی سائلوز بنانے کی اسکیم کئی سالوں سے زیر التوا ہے۔ اب ورلڈ فوڈ پروگرام کے تحت سائلوز بنانے کے لئے کوشش کی جارہی ہے۔