Saturday, November 27, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

بلوچستان یونیورسٹی کے فائن آرٹس طلبا و طالبات کے فائنل تھیسز کی نمائش کا اہتمام

بلوچستان یونیورسٹی کے فائن آرٹس طلبا و طالبات کے فائنل تھیسز کی نمائش کا اہتمام
September 2, 2021 --- ویب ڈیسک

کوئٹہ (92 نیوز) کوئٹہ میں بلوچستان یونیورسٹی کے فائن آرٹس کے طلبا و طالبات کے فائنل تھیسز کی نمائش کا اہتمام کیا گیا۔ نمائش میں مجسموں کے ذریعے معاشرے میں بڑھتے انتشار، ذہنی اذیت کو واضح کیا گیا۔ رنگوں کی مدد سے ایسے شاہکار تیار کئے کہ دیکھنے والے دنگ رہ گئے۔

کینوس مختلف رنگو ں کے امتزا ج سے بنائی گئی حسین اور خوبصورتی تصویریں، معاشرتی برائیوں کی عکاسی کرتی پینٹنگز، معاشرے میں پھیلتے عدم برداشت پر مبنی مجسمے، آرٹ کے یہ نمونے بلوچستان یونیورسٹی کے فائن آرٹس کے طلبا و طالبات کے فائنل تھیسس کے ہیں۔

نمائش میں یونیورسٹی کے طلباءو طالبات سمیت آرٹ سے شغف رکھنے والے افراد بھی شریک ہوئے جن کا کہنا تھا کہ معاشرے میں بڑھتے مسائل کو اپنے تصورات میں ڈھالنا یقینا مشکل ترین کام ہے۔

فائنل تھیسز کے بعد یہ طلباءوطا لبات عملی زندگی میں فنون لطیفہ سے تعلق رکھتے ہوئے معاشرے کی عکاسی کرینگے۔

نوجوان مصوروں نے کینوس مخلتف موضوعات کی عکاسی کرکے معاشرے کہ ہر پہلوکو ایسے انداز میں اجاگر کیا کہ جیسے رنگوں زبان مل گئی۔