Thursday, October 28, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

ایم ڈی او جی ڈی سی ایل شاہد سلیم خان مستعفی

ایم ڈی او جی ڈی سی ایل شاہد سلیم خان مستعفی
September 28, 2021 --- ویب ڈیسک

اسلام آباد (سہیل اقبال بھٹی) ناقص کارگردگی کی بناء پر برطرفی کے ممکنہ خدشے کے باعث ایم ڈی او جی ڈی سی ایل شاہد سلیم خان نے استعفی دے دیا۔ بورڈ یکم اکتوبر کو قائم مقام ایم ڈی کی منظوری دے گا۔

ذرائع نے تصدیق کی کہ وفاقی حکومت اور اوجی ڈی سی ایل بورڈ شاہد سلیم خان کی کارگردگی سے مطمئن نہیں تھا، فیصلوں میں التواء کے باعث کمپنی کی کارکردگی بری طرح متاثر ہوئی۔

دوسری جانب او جی ڈی سی ایل نے 30 جون 2021 کو ختم ہونے والے مالی سال کیلئے آڈٹ شدہ مالیاتی نتائج جاری کردئیے جس کے مطابق کمپنی کی نیٹ سیلز 239.104 ارب روپے رہی جو گزشتہ سال 232.925 روپے تھی۔ ٹیکس ادائیگی کے بعد نقد منافع 91.534 روپے رہا جو گزشتہ سال 100.938 ارب روپے رہا تھا۔

ترجمان او جی ڈی سی ایل کے مطابق آپریٹنگ پرافٹ مارجن 45 فیصد اور نیٹ پرافٹ مارجن 38 فیصد رہا۔ بورڈ آف ڈائریکٹرز نے فی حصص 1.50 روپے فائنل کیش ڈیویڈنڈ کا اعلان بھی کر دیا۔ اسی طرح خام تیل کی اوسط نقد قیمت 46.67 ڈالر فی بیرل جبکہ قدرتی گیس کی اوسط نقد قیمت 383.88 روپے فی ایم سی ایف رہی۔ تلاش کی سرگرمیوں کے نتیجے میں تیل اور گیس کے چھ کنوئیں دریافت کئے گئے۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔