Friday, October 15, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

 یمن کے شہر عدن میں سعودی جیٹ طیاروں کے حملے جاری

 یمن کے شہر عدن میں سعودی جیٹ طیاروں کے حملے جاری
April 16, 2015
عدن(ویب ڈیسک)سعودی عرب اور اتحادی ممالک کے جیٹ طیاروں نے عدن میں  باغیوں کے زیر قبضہ گوداموں اور اسٹورز پر حملے کئے ہیں جس کے بعد شہر میں ایندھن اور اشیائے خورونوش کی قلت پیدا ہو گئی ہے۔ تفصیلات کے مطابق یمنی صدر منصور ہادی کی حامی فوج نے باغیوں کی عدن بندرگاہ کی جانب پیش قدمی روکنے کے لیے شہر میں گشت شروع کر دیا ہے۔ عدن میں لوگوں کو خوراک اور ایندھن کے حصول کے لیے لمبی قطاروں میں انتظار کرنا پڑ رہا ہے ۔ ادھر سعودی فوج نے یمنی بارڈر پر بھاری ہتھیاروں سے حملے جاری رکھے،واشنگٹن میں سعودی عرب کے سفیر عادل الجبیر نے کہا ہے کہ باغی طاقت کے ذریعے یمن پر قبضے کی کوشش ترک کردیں،کیونکہ وہ ناکام رہیں گے اور سعودی عرب اس ناکامی کو یقینی بنائے گا۔ سعودی عرب کے پاس اس بات کے سوا کوئی راستہ نہیں تھا کہ وہ اپنے پڑوسی ملک کا دفاع کرے ۔ انہوں نے کہا کہ وہ سیکورٹی کونسل کی قرارداد کو یمن کے عوام اور وہاں کی آئینی حکومت کی فتح کے طور پر دیکھتے ہیں۔
تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔