Friday, October 22, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

کے پی کے کابینہ نے ملک کی پہلی انفارمیشن اینڈ کمیونیکیشن پالیسی کی منظوری دیدی

کے پی کے کابینہ نے ملک کی پہلی انفارمیشن اینڈ کمیونیکیشن پالیسی کی منظوری دیدی
March 21, 2015
خیبرپختونخواہ (نائنٹی ٹو نیوز) خیبرپختونخوا کابینہ نے ملک کی پہلی انفارمیشن اینڈ کمیونیکیشن پالیسی کی منظوری دیدی، جس کے تحت پانچ شعبوں پر چھہ ارب نوے کروڑ روپے خرچ کئے جائیں گے۔ تفسیلات کے مطابق وزیر اعلی خیبر پختونخوا کی زیر صدارت منعقدہ اجلاس کے دوران ملک کی پہلی انفارمیشن اینڈ کمیونکیشن پالیسی کی منظوری دی گئی۔ وزیراطلاعات مشتاق احمد غنی کا کہنا تھا کہ نئی پالیسی کا نفاذ ای گورننس کی جانب اہم قدم ہے جس کے باعث صوبے میں مقامی اور غیرملکی سرمایہ کاری کےلئے سازگار ماحول پیدا ہو گا جبکہ آئی ٹی کے شعبے سے وابستہ لوگوں کے لئے روزگار کے نئے مواقع پیدا ہوں گے۔ صوبائی کابینہ نے پبلک سروس کمیشن کی جانب سے گریڈ11 سے 17 تک کی آسامیوں پر بھرتیوں میں سست روی کا نوٹس لیا اور اس بارے میں پانچ وزراء پر مشتمل کمیٹی کو پندرہ دن کے اندر رپورٹ پیش کرنے کی ہدایت کی۔ کابینہ نے تمام محکموں کو دوسالہ کارکردگی کابینہ کے سامنے لانے کی ہدایت بھی کی۔ اس موقع پر وزیراطلاعات مشتاق غنی نے کہا کہ خیبرپختونخوا حکومت بلاتفریق احتساب کو یقینی بنائے گی اور کرپٹ عناصر کو پلی بارگین کی کوئی سہولت نہیں دی جائیگی۔  
تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔