Thursday, January 20, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

کویت میں خام تیل کی پیداوار کم کرنے کیخلاف ہزاروں افراد کا احتجاج

کویت میں خام تیل کی پیداوار کم کرنے کیخلاف ہزاروں افراد کا احتجاج
April 18, 2016
کویت سٹی (ویب ڈیسک) کویت میں تیل اور گیس کے شعبے کے ہزاروں ورکرز اوپیک کی جانب سے خام تیل کی پیداوار کم کرنے اور حکومت کی جانب سے تنخواہوں سے متعلق اصلاحات کے منصوبے کےخلاف کام چھوڑکر سڑکوں پر آ گئے۔ تفصیلات کے مطابق کویت آئل کمپنی کے ترجمان سعد اعظمی نے اپنے ٹویٹ میں کہا ہے کہ آئل کمپنی نے خام تیل کی پیداوار گیارہ لاکھ بیرل فی یومیہ کم کر دی ہے۔ اس کی روزانہ کی پیداوار تیس لاکھ بیرل ہے۔ آئل اینڈ پیٹرو کیمیکل انڈسٹریز ورکرز کنفیڈریشن کے چیئرمین سیف محمد القحطانی نے کہا ہے کہ وہ ہڑتال میں حصہ لے رہے ہیں کیونکہ تھرڈ پارٹی کی جانب سے انہیں ایسا کرنے پر مجبور کیا گیا ہے اور وہ کسی نئی چیز کا مطالبہ بھی نہیں کر رہے۔ ادھر تیل کے شعبے کے ترجمان شیخ طلال الخالد الصباح کا کہنا تھا کہ ورکرز کی ہڑتال ان کی برآمدات کو متاثر نہیں کرےگی۔