کورونا کیخلاف فرنٹ لائن پر لڑنے والے مزید 7مسیحا وائرس کی لپیٹ میں آگئے

کوئٹہ ( 92 نیوز) کورونا کے خلاف فرنٹ لائن پر لڑنے والے مزید7مسیحا  وائرس کی لپیٹ میں آگئے ،  فاطمہ اینڈ جنرل اسپتال کوئٹہ کےایم ایس کا ٹیسٹ مثبت آگیا۔

کورونا کیخلاف فرنٹ لائن پر لڑنے والے مزید 7مسیحا وائرس کی لپیٹ میں آگئے ، ایم ایس فاطمہ اینڈ جنرل اسپتال کوئٹہ  کا کورونا ٹیسٹ بھی مثبت آگیا ،ایم ایس پبی اسپتال سمیت نوشہرہ میں طبی عملہ کے تین ارکان کورونا سے متاثرہوئے ۔

ادھر  ایوب میڈیکل کمپلیکس کے ایک اور ڈاکٹر  میں وائرس کی تشخیص ہو گئی  جس کے بعد اسپتال کے  متاثرہ ڈاکٹروں کی تعداد چار ہو گئی ہے ۔ سول اسپتال کراچی کے کینسر وارڈ کے انچارج  کورونا میں مبتلا ہو گئے ، چلڈرن اسپتال کے ایک اور ملازم کاٹیسٹ مثبت آگیا۔

گزشتہ روز اسسٹنٹ کمشنر دشت بھی کورونا وائرس کا شکار ہو گئی تھیں ،  ایف بی آر، اے این ایف، محکمہ صحت، ڈپٹی کمشنر آفس کے ملازمین بڑی تعداد میں متاثر ہوئے ہیں ۔