Friday, October 22, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

کورونا سے بچاؤ کی ویکسین لیکر خصوصی طیارہ وطن پہنچ گیا

کورونا سے بچاؤ  کی ویکسین لیکر خصوصی طیارہ وطن پہنچ گیا
February 1, 2021

اسلام آباد (92 نیوز) چین نے ایک بار پھر برادر ملک سے مضبوط رشتہ ثابت کردیا، سب سے پہلے پاکستانیوں کو کورونا ویکسین دے دی، خصوصی طیارہ کورونا سے بچا کی ویکسین لیکر وطن پہنچا۔

لازوال دوستی کا پیکر، اولین ترجیح کا ضامن ، آئیرن برادرز کے تعلقات کیلئے تاریخ ساز دن ہے ، چین نے پاکستان کو کورونا سے بچاؤ کی ویکسین دے کر ایک بار پھر مضبوط رشتہ ثابت کردیا۔

پاک فضائیہ کا خصوصی طیارہ چین سے ویکسین کی پہلی کھیپ لے کر پاکستان پہنچا تو راولپنڈی کے نور خان ایئربیس پر ویکسین حوالگی کی پروقار تقریب منعقد ہوئی۔
وزیر خارجہ شاہ محمود قریشی بولے مہلک وبا سے لڑنے میں چین شانہ بشانا کھڑا رہا،پاکستان میں چینی سفیر نے بھی ویکسین کی فراہمی کو پاک چین لازوال دوستی کی مثال قرار دیا، ساتھ ہی پاک چین دوستی زندہ باد کا نعرہ بھی لگایا۔

ملک بھر میں ویکسی نیشن کا عمل تین فروری سے شروع ہوگا ، پہلے مرحلے میں پنجاب میں 189 ، خیبرپختونخوا میں 280 بلوچستان میں 44،سندھ اور اسلام آباد میں 14،14ویکسی نیشن سینٹر قائم کیے گئے ہیں۔

پہلے مرحلے میں ویکسین کورونا کیخلاف جنگ لڑنے والے فرنٹ لائن ہیلتھ کیئر ورکرز کو لگائی جائیگی۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔