Wednesday, January 19, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

کوئٹہ، بلوچستان کے مختلف اداروں میں مالی بے ضابطگیوں کا انکشاف

کوئٹہ، بلوچستان کے مختلف اداروں میں مالی بے ضابطگیوں کا انکشاف
January 3, 2019
کوئٹہ ( 92 نیوز ) بلوچستان  کے محکمہ مواصلات  میں  غیر قانونی بھرتیوں جب کہ  صوبے کی اکلوتی ویمن یونیورسٹی میں مالی بے ضابطگیوں کا انکشاف ہوا ہے ۔ بلوچستان کے محکمہ مواصلات میں بڑے پیمانے پرغیرقانونی بھرتیوں کاانکشاف ہوا ہے،  غیرقانونی بھرتیوں سے قومی خزانے کو بھاری نقصان پہنچا ۔  361ملازمین کوریکروٹمنٹ پالیسی اورقوانین کےبرعکس بھرتی کیاگیا۔ دوسری جانب بلوچستان میں خواتین کی واحد سرداربہادرخان ویمن یونیورسٹی میں مالی بے ضابطگیوں کا بھی انکشاف ہوا ہے ۔ یونیورسٹی کے اساتذہ کو تنخواہوں کی مد میں2کروڑ38لاکھ روپے کی ادائیگیاں کی جاتی رہیں ،   حکام کے پاس دی جانے والی تنخواہوں کا کوئی ریکارڈ نہیں ہے ۔ سال2018میں تعمیراتی کاموں کیلئے ایک کروڑ77لاکھ روپے اضافی ادا ہوئے۔اعلامیے کے مطابق تحقیقات کیلئے حکومت بلوچستان نے انکوائری کمیٹی تشکیل دے دی ہے ۔