کنسلٹنٹس کو اربوں کی ادائیگیاں، شہباز شریف کیخلاف تفتیش شروع ‏

لاہور ( 92 نیوز) اپوزیشن لیڈرقومی اسمبلی شہبازشریف کے گردشکنجہ مزیدسخت کردیاگیا،نیب نے کنسلٹنٹس کواربوں روپے اداکرنے پر تفتیش شروع کردی۔ ذرائع کےمطابق نیب لاہور نےدس سال کے پراجیکٹس کے دوران کنسلٹنٹس کو ادا شدہ اربوں روپے کی تفتیش شروع کر دی۔ نیب نے محکمہ پلاننگ اینڈ ڈویلپمنٹ، محکمہ خزانہ اور متعلقہ محکموں سے ریکارڈ طلب کر لیا۔ ذرائع کے مطابق گزشتہ دس برس میں اربوں روپے من پسند کنسلٹنٹس کو ادا کیے گئے،   سرکاری محکموں میں مطلوبہ اہلیت کی افرادی قوت کے باوجود الیکشن کمپین کرنے والوں کو کنسلٹنسی کی مد میں نوازا گیا۔

عمران خان سے ہر چیز کا حساب لیں گے، شہباز شریف

ذرائع نے بتایا کہ شہباز شریف نے اپنے دور حکومت میں بیس ارب روپے سے زائد رقم کنسلٹنٹس کو ادا کی،  چار کول پاورپلانٹس کیلئے انچاس کروڑ اسی لاکھ، خادم پنجاب رورل روڈ پروگرام کے لیے بارہ کروڑ پچھتر لاکھ روپے کی ادائیگی کی گئی۔ مری میں کیبل کارز کی تنصیب کی فزیبلٹی سٹڈی کیلئےبیس کروڑروپے ادا کئے گئے ، نیب نے شہبازشریف کوجمعہ کے روز آمدن سے زائداثاثہ جات اور مبینہ منی لانڈرنگ کیس میں طلب کررکھاہے۔