Monday, January 17, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

کلبھوشن یادیو کا مقدمہ 18 فروری کو سماعت کیلئے مقرر

کلبھوشن یادیو کا مقدمہ 18 فروری کو سماعت کیلئے مقرر
February 14, 2019
 اسلام آباد (92 نیوز) عالمی عدالت انصاف بھارتی جاسوس کمانڈر کلبھوشن یادیو کے مقدمے پر 18 فروری کو سماعت کا آغاز کرے گی ۔ پاکستان نے مقدمہ کی تیاری مکمل کر لی ۔ ذرائع کے مطابق وکیل خاور قریشی مقدمہ لڑیں گے ۔ وزارت خارجہ اور قانون کے اعلی حکام کا وفد ہیگ، ہالینڈ پہنچے گا۔ ذرائع کا کہنا ہے عالمی عدالت 18 سے 21 فروری تک، 4 روز مقدمہ کی سماعت کرے گی ۔ مقدمہ میں 18 فروری کو بھارت جبکہ 19 فروری کو پاکستان اپنے دلائل دیگا ۔ عالمی عدالت میں 20 فروری کو بھارت اپنا جواب دے گا جبکہ پاکستان، بھارت کے جواب میں اپنے جواب الجواب دلائل 21 فروری کو دیگا ۔ پاکستان، عالمی عدالت انصاف کے دائرہ اختیار پر بھی دلائل دے گا ۔ بھارت کو عالمی عدالت سے کمانڈر کلبھوشن کی بریت، رہائی یا وطن واپسی کا فیصلہ نہ ملا تو پاکستان کی جیت ہو گی ۔ عالمی عدالت انصاف نے کمانڈر کلبھوشن کو قونصلر رسائی دینے یا نہ دینے کا فیصلہ بھی کرنا ہے ۔ عالمی عدالت 3 سے 4 ماہ، مئی یا جون تک حتمی فیصلہ سنا سکتی ہے ۔