Friday, October 15, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

کشمیر پریمیئر لیگ کا پہلا ایڈیشن راولاکوٹ ہاکس نے جیت لیا

کشمیر پریمیئر لیگ کا پہلا ایڈیشن راولاکوٹ ہاکس نے جیت لیا
August 18, 2021 --- ویب ڈیسک

مظفرآباد (92 نیوز) کشمیر پریمیئر لیگ کا پہلا ایڈیشن راولاکوٹ ہاکس نے جیت لیا۔ فائنل میں مظفرآباد ٹائیگرز کو سات رنز سے شکست دی۔

تماشائیوں کے جوش و خروش میں کشمیر پریمئیر لیگ کا پہلا ایڈیشن  بوم بوم شاہد آفریدی کی راولا کوٹ ہاکس نے جیت لیا۔ فائنل میں راولا کو ٹ ہاکس نے پروفیسر محمد حفیظ کی مظفر آباد ٹائیگرز کو سات رنز سے شکست دے دی۔

راولا کوٹ ہاکس نے پہلے کھیلتے ہوئے سات وکٹوں کے نقصان پر 169 رنز بنائے ۔ بسم اللہ خان 30، عمر امین 23 اور صاحب زادہ فرحان 28 رنز بنا کر آؤٹ ہوئے۔ کاشف علی  نے 28 گیندوں پر 54 رنز کی دھواں داراننگز کھیلی۔

مظفر آباد کی طرف سے محمد حفیظ اور اسامہ میر نے دو، دو جبکہ وسیم جونئیر اور ارشد  اقبال نے ایک ایک وکٹ حاصل کیں۔

ہدف کے تعاقب میں مظفر آباد کی ٹیم 9 وکٹوں پر 162 رنز بنا سکی ۔ ذیشان اشرف 46 ، محمد حفیظ 29 ، سہیل تنویر 21، وسیم جونئیر 22 رنز بنا سکے۔ راولاکوٹ کی جانب سے آصف آفریدی اور حسین طلعت نے تین تین ، شاہدآفریدی نے دو وکٹیں حاصل کیں۔

آصف آفریدی بہترین باؤلنگ پر مین آف دی میچ قرار پائے۔ مظفرآباد اسٹیڈیم تماشائیوں سے کھچا کھچ بھرا ہونے کے باعث لوگوں نے ملحقہ گھروں کی چھتوں پر بیٹھ کر بھی میچ دیکھا۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔