کرپشن مٹاؤمہم،پی ٹی آئی کاقافلہ آج سندھ کےشہرمیرپورخاص پہنچےگا

میرپورخاص(92نیوز)کرپشن مٹاو مہم میں شریک پی ٹی آئی  کے کارکنوں کا قافلہ آج  سندھ کے  شہرمیر پور خاص پہنچےگا۔ تفصیلات کےمطابق  تحریک انصاف کا کرپشن مٹاؤ  ملک بچاؤ قافلہ شاہ محمود قریشی، علیم عادل شیخ ، عارف علوی اور دیگر کی قیادت  میں منگل کو کراچی سے روانہ ہوا۔قافلہ  گلشن حدید، دھابے جی، گھارو، اور ٹھٹھہ  سے ہوتا ہوا  سجاول پہنچا  ۔۔ قافلہ  کے شرکا  نے رات شادی پلی میں گزاری  جہاں سے یہ قافلہ آج  میرپور خاص  روانہ ہو جائے گا۔ شاہ محمود قریشی نے نائنٹی ٹو نیوز سےخصوصی بات چیت کرتے ہوئے  دعویٰ کیا کہ موجودہ حالات رہے تو حکومت اپنی مدت پوری نہیں کرپائے گی پنجاب میں بڑی کرپشن ہے۔