Sunday, October 24, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

کرنسی اسمگلنگ کیس میں تحقیقات کا دائرہ کار وسیع، ایان علی کیخلاف خفیہ چھان بین شروع

کرنسی اسمگلنگ کیس میں تحقیقات کا دائرہ کار وسیع، ایان علی کیخلاف خفیہ چھان بین شروع
April 29, 2016
اسلام آباد (نائنٹی ٹو نیوز) کرنسی اسمگلنگ کیس میں تحقیقات کا دائرہ کار وسیع کرتے ہوئے قانون نافذ کرنے والے اداروں نے بھی ڈالر گرل ایان کے خلاف خفیہ چھان بین شروع کر دی ہے۔ خفیہ اداروں کی جانب سے ماڈل کے اہم شخصیات سے روابط اور تعلقات کے شعبے میں تحقیقات کا آغاز کیا گیا ہے۔ غیرملکی کرنسی سمگلنگ کیس میں ملوث ماڈل ایان کے مختلف شخصیات سے رابطوں کا پتا چلانے کے لئے قانون نافذ کرنے والے اداروں نے نئے سرے سے تحقیقات کا آغاز کردیا ہے۔ ذرائع کا کہنا ہے کہ ماڈل ایان کے خلاف تحقیقات خفیہ معلومات کی بنیاد پر کی جا رہی ہیں اور اس حوالے سے ایان اور ان کے ساتھ کام کرنے والے عملے کے موبائل فون ریکارڈ حاصل کیا گیا ہے جبکہ ایک سال کے دوران ماڈل ایان کے اسلام آباد، کراچی اور لاہور کے قیام کے دوران مختلف شخصیات سے ملاقاتوں اور  رابطوں کی تفصیلات اکٹھی کی جا رہی ہیں۔ ذرائع کے مطابق  ماڈل ایان کے پاکستان اور بیرون ملک اثاثوں اور جائیداد کا ریکادڑ بھی حاصل کیا جا رہا ہے اور اس حوالے سے کسٹم انٹیلی جنس، نادرا اور دیگر متعلقہ اداروں سے معاونت بھی لی گئی ہے۔ ذرائع بتاتے ہیں کہ تحقیقات کا مقصد اس نیٹ ورک کے دیگر ارکان کا پتا چلانا ہے کیونکہ غیرملکی کرنسی سمگلنگ  کے دھندے میں ماڈل ایان کو مبینہ طور پر بعض اعلیٰ شخصیات کی سرپرستی بھی حاصل رہی جبکہ شوبز سے تعلق رکھنے والی بعض ماڈلز بھی ایان نیٹ ورک میں شامل ہیں۔
تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔