Tuesday, January 18, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

کراچی میں کل سے ہیٹ ویو کا خدشہ ہے

کراچی میں کل سے ہیٹ ویو کا خدشہ ہے
May 4, 2020

کراچی ( 92 نیوز ) کراچی میں کل سے ہیٹ ویو کا خدشہ ہے ،  سمندری ہوائیں معطل اور درجہ حرارت 40 ڈگری سینٹی گریڈ تک جانے کا امکان ہے ، سورج آگ برسائے گا، طبی ماہرین نے شہریوں کو بلاضرورت گھروں سے نہ نکلنے کا مشورہ دےدیا۔

شدید دھوپ  ، ہوا میں نمی کی کمی اور پارہ چالیس ڈگری سینٹی گریڈ تک جانے کا امکان ، کراچی میں کل ہیٹ ویو کےخدشات ہیں،ایک طرف آگ برساتا  سورج ہوگا تو دوسری طرف سمندری ہوائیں بھی نہیں چلیں گی ، موسم کا حال بتانے والے کہتے ہیں کل سے سمندری ہوائیں منقطع اور ریگستانی گرم اور خشک ہوائیں شہر میں راج کریں گی۔

محکمہ موسمیات کے مطابق گرمی کی لہر  5 سے 8 مئی تک بر قرار رہے گی۔ شہری احتیاطی تدابیر اپنائیں  ، شہر میں آج بھی موسم گرم اور مرطوب ہے جبکہ درجہ حرارت 38 ڈگری سینٹی گریڈ رہنے کا امکان ہے ۔