Saturday, January 22, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

کراچی میں امن و امان کی صورتحال میں نمایاں بہتری آئی ہے ، میجر جنرل محمد سعید

کراچی میں امن و امان کی صورتحال میں نمایاں بہتری آئی ہے ، میجر جنرل محمد سعید
January 9, 2019
 کراچی (92 نیوز) ڈی جی رینجرز میجر جنرل محمد سعید نے کہا کہ کراچی میں امن و امان کی صورتحال میں نمایاں بہتری آئی ہے جبکہ سندھ رینجرز اس  سلسلے میں مزید اقدامات کر رہی ہے۔ ڈی جی رینجرز (سندھ) میجر جنرل محمد سعید نے اقراء یونیورسٹی میں منعقدہ تقریب اِقراء یوتھ پارلیمنٹ کے تھرڈ سیشن میں بطور مہمان خصوصی شرکت کی۔ اس موقع پر یونیورسٹی کے چیئرمین حنید لاکھانی ،انتظامیہ اور طلباء نے ڈی جی رینجرز کو خوش آمدید کہا۔ ڈی جی رینجرز نے اپنے خطاب کے دوران کراچی آپریشن کے پسِ منظر اور اس کے محرکات پر روشنی ڈالتے ہوئے کہا کہ کراچی میں امن و امان کی صورتحال میں نمایاں بہتری آئی ہے اور اس سلسلے میں پاکستان رینجرز سندھ کی جانب سے مزید اقدامات کیے جا رہے ہیں۔  میجر جنرل محمد سعید نے مزید کہا کہ بحیثیت فرد ہم سب کی ذمہ داری ہے کہ معاشرے کی تعمیر و ترقی میں فعال کردار ادا کریں ۔ اس سلسلے میں نوجوان اپنی صلاحیتوں میں نکھار پیدا کرکے قائدانہ صلاحیتوں کو اجاگر کریں تاکہ معاشرے میں صحت مندانہ رحجانات اور سماجی خدمت کو فروغ حاصل ہو۔ اس موقع پر یونیورسٹی کے چیئرمین، اساتذہ اور طلبہ نے قیام امن میں رینجرز کے کردار کو سراہا۔