Tuesday, October 19, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

کابل ایئرپورٹ پر پھر فائرنگ اور بھگدڑ، سات افغان ہلاک

کابل ایئرپورٹ پر پھر فائرنگ اور بھگدڑ، سات افغان ہلاک
August 22, 2021 --- ویب ڈیسک

کابل (92 نیوز) کابل ایئرپورٹ پر پھر فائرنگ اور بھگدڑ مچ گئی جس میں سات افغان ہلاک اور کئی زخمی ہو گئے۔

کابل ائیرپورٹ پر اب بھی ہزاروں کی تعداد میں افراد جمع ہیں جو ملک چھوڑ کر جانا چاہتے ہیں۔ طالبان کے کنٹرول کے بعد سے کابل ائیرپورٹ امریکی افواج کے کنٹرول میں ہے۔ کابل ائیرپورٹ پر 4500 امریکی اور 900 برطانوی فوجی موجود ہیں۔ اس کے باوجود ائیرپورٹ پر صورتحال انتہائی خراب ہے۔

امریکا نے کابل سے شہریوں کے انخلا کیلئے آپریشن میں تیزی لانے کا فیصلہ بھی کیا ہے۔ امریکی ٹرانسپورٹیشن حکام نے متعدد ایئرلائنز کو الرٹ رہنے کیلئے خط لکھ دیئے ہیں۔ اس سے قبل ملک چھوڑنے کیلئے کچھ افراد طیارے کے پہیوں سے چمٹ گئے تھے تاہم جہاز کے اڑان بھرنے پر زمین پر آگرے۔ چند روز قبل بھی کابل ائیرپورٹ پر امریکی فوج کی فائرنگ کے نتیجے میں 5 افراد ہلاک ہو گئے تھے۔

نیٹو عہدیدار کا کہنا ہے کابل پر قبضے کے بعد ائیر پورٹ اور ارد گرد کم از کم 20 افراد ہلاک ہو چکے ہیں۔ ہماری توجہ تمام غیر ملکیوں کو جلد از جلد ملک سے باہر نکالنے پر مرکوز ہے۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔