Friday, December 2, 2022

ڈاکٹرعمران فاروق قتل کیس، گرفتار ملزمان کیخلاف لندن سے شواہد اکٹھے کرنے کافیصلہ

ڈاکٹرعمران فاروق قتل کیس، گرفتار ملزمان کیخلاف لندن سے شواہد اکٹھے کرنے کافیصلہ
کراچی ( 92 نیوز)ڈاکٹر عمران فاروق قتل کیس میں اہم ترین پیش رفت  ہوئ ہے ، ایف آئی اے نے گرفتار ملزمان کیخلاف لندن سے  شواہد اکٹھے کرنے کا فیصلہ  کر لیا ہے۔ عدالت نے درخواست مقرر کرتے ہوئے ملزمان کے وکلاء کو نوٹس جاری کردیے  ۔ انسداد دہشتگردی عدالت کے جج شاہ رخ ارجمند نے ڈاکٹرعمران فاروق قتل کیس کی سماعت کی ، ایف آئی اے نے لندن سے شواہد اکٹھے کرنے کے لیے عدالت سے وقت مانگ لیا ۔ وفاقی تحقیقاتی ادارہ کی درخواست میں لندن سے شواہد حاصل کرنے کے لیے تین ماہ کا وقت دینے کی استدعا کی گئی ہے ۔ عدالت نے ایف آئی اے کی درخواست 30 نومبر کو دلائل کے لیے مقرر کرتے ہوئے ملزمان کے وکلاء کو نوٹس جاری کردیئے ۔