Tuesday, January 25, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

چین اور امریکہ میں دو بڑے سمندی طوفانوں کی تباہ کاریاں

چین اور امریکہ میں دو بڑے سمندی طوفانوں کی تباہ کاریاں
September 17, 2018
بیجنگ ( 92 نیوز) دو بڑے سمندری طوفانوں کی تباہ کاریوں کا سلسلہ جاری ہے ۔  چین میں مینگ خوٹ اور امریکا میں فلورنس نے ہر شے کو تہس نہس کرڈالا  ۔ سمندری طوفان مینگ خوٹ نے فلپائن سے چین تک تباہی مچادی ، تیز رفتار ہوا کے جھکڑ اور بلند و بالا موجوں نے ہر شے کو تہس نہس کر کے رکھ دیا۔ مکانوں کی چھتیں، ہورڈنگز اڑ گئے جبکہ درخت جڑوں سے اکھڑ گئے ، رہائشی علاقے کئی فٹ پانی میں ڈوب چکے ہیں  ۔ مینگ خوٹ کی وجہ فلپائن میں 65 جبکہ چین میں 4 افراد ہلاک ہوئے ہیں ، زیادہ تر ہلاکتیں لینڈسلائیڈنگ کی وجہ سے ہوئی ہیں ۔ قدرتی آفت کے روٹ سے 50 لاکھ افراد متاثر ہوئے ہیں ، سیکڑوں پروازیں منسوخ جبکہ مواصلات کا نظام بھی درہم برہم ہوچکا ہے ۔ دوسری جانب امریکا کی مشرقی ریاستوں میں آنے والے سمندری طوفان فلورنس کا زور ٹوٹ گیا ہے، مختلف حادثات میں مرنے والوں کی تعداد اٹھارہ تک جاپہنچی ہے ۔ طوفان کے باعث 5 لاکھ 23 ہزار عمارتیں بجلی سے محروم ہیں، شمالی کیرولائنا میں 30 انچ تک بارش ریکارڈ کی جاچکی ہے ، جس کی وجہ سے دریاؤں میں طغیانی آچکی ہے ، محکمہ موسمیات نے آئندہ چند روز میں مزید طوفانی بارشوں کی پیش گوئی کردی ہے۔