Wednesday, July 28, 2021
٩٢ نیوز انگلش آج کا اخبار براہراست نشریات(UK) براہراست ٹی وی
٩٢ نیوز انگلش آج کا اخبار
براہراست نشریات(UK) براہراست ٹی وی
رجحان

چینی بحریہ کے سربراہ ایڈمرل وو شینگلی کی دو روزہ دورے پر پاکستان پہنچ گئے

چینی بحریہ کے سربراہ ایڈمرل وو شینگلی کی دو روزہ دورے پر پاکستان پہنچ گئے
May 18, 2016
کراچی (92نیوز) چینی بحریہ کے سربراہ ایڈمرل وو شینگلی کی دو روزہ سرکاری دورے پر پاکستان پہنچے تو روایتی یونیفا رم میں ملبوس پاک بحریہ کے ایک چاق وچوبند دستے نے مہمان کو گارڈز آف آنر پیش کیا۔ ایڈ مرل ذکا اللہ نے پاک بحریہ کے پرنسپل اسٹاف آفیسر ز اور انتظامیہ کے اعلی افسران سے چینی بحریہ کے سربراہ کا تعارف کروایا۔ بعدازاں ایڈ مرل ووشینگلی نے چیف آف نیول سٹاف سے پیشہ ورانہ امور پر تفصیلی تبادلہ خیال کیا۔ چینی بحریہ کے سربراہ کو آپریشنل امور پر مفصل بریفنگ بھی دی گئی۔ چینی بحریہ کے سربراہ نے خطے میں میر ی ٹائم سکیورٹی کے حوالے سے پاک بحریہ کی کاوشوں اور عزم کی تعریف کی اور کہا کہ ایک ذمہ دار ریاست کی حیثیت سے پاکستان خطے کی میری ٹائم سکیورٹی اور استحکام میں مرکزی کردار ادا کرہا ہے جو خطے میں آزادانہ اور محفوظ جہاز رانی کے لیے نہایت اہمیت کا حامل ہے۔ چینی بحریہ کے سربراہ کا یہ دورہ دونوں ممالک کی بحری افواج کے درمیان تعلقات کو مزید مستحکم بنانے میں معاون ثابت ہوگا۔