آئی سی سی چیمپئینز ٹرافی میں بھارتی ٹیم کے شرٹ پر پاکستان کا نام ہوگا یا نہیں، بھارتی میڈیا نےنیاشوشہ چھوڑ دیا۔
بھارٹی میڈیا کے مطابق چیمئنز ٹرافی میں انڈین ٹیم کی شرٹ پر پاکستان کا نام نہیں لکھا ہو گا ۔اگر بھارتی ٹیم شرٹ پر پاکستان کا نام نہیں لکھواتی تو بھارتی بورڈ آئی سی سی قوانین کی خلاف ورزی کا مرتکب ہوگا۔
آئی سی سی چیمپئینز ٹرافی کے منظور شدہ لوگو پر پاکستان کا نام لکھا ہوا ہے۔ اور اہم بات یہ ہے کہ ایونٹ میں تمام ٹیموں کے لیے آئی سی سی کا منظور شدہ لوگو استعمال کرنا لازمی ہوتا ہے۔ تاہم تمام ٹیمیں پلئینگ اور ٹریننگ کٹس آئی سی سی کو منظوری کے لیے بھیجتی ہیں اور لوگو کا درست استعمال نہ ہونے پر آئی سی سی فوری طور پر کٹ کو مسترد کر دیتی ہے ۔
یہ بھی پڑھیں: چیمپیئنز ٹرافی: ٹکٹس کی قیمتیں کیا ہوں گی؟
قابلِ غور بات یہ ہے کہ لوگو کا درست استعمال نہ کرنا کلودنگ اینڈ ایکوپمنٹ ریگولیشن کی خلاف ورزی ہو گی۔ لیکن پاکستان کو یقین ہے کہ انٹر نیشنل کرکٹ کونسل اپنے قوانین پر عمل درآمد کرائے گی۔
بھارتی میڈیا کا کہنا ہے کہ مبینہ طور پر بھارت نے شرٹ پر پاکستان کا نام لکھنے سے انکار کر دیا ہے۔
خیال رہے کہ گزشتہ برس ایشیا کپ کے موقع پر بھی بھارت کی جانب سے تنازعہ کھڑا کرنے کی کوشش کی گئی تھی۔ ایشین کرکٹ کونسل نے ایشیا کپ کے لوگو پر میزبان ملک کا نام درج نہ کرنے کی منظوری دی تھی۔